Әркім өз өмірінің көңілді әрі пайдалы, сондай-ақ, ерекше есте қалар сәттерге толы болғанын қалайды. Әсіресе, дүйім дүниенің көрікті жерлерін шарласам, ел көрсем, жер көрсем деген ой адам баласын жиі мазалайды. «Жиһанкез» бағдарламасы қазақ көрерменіне әлемнің әйгілі курорттарына қатысты жан-жақты ақпарат береді. Не көп шет ел көп, шет елде демалыс орындары көп. Таңдай алмасаңыз таңдауға да, ол жерлердің ерекшелігі жайлы да «Жиһанкез» жүргізушісі кеңінен әңгімелейді. Әр елдің қайталанбас ерекшелігі жайында, айрықша табиғаты туралы, адам бойын елітіп әкететін теңіз жағалауы мен таза ауа, ыстық күн сәулесі және түрлі көңіл көтеру шаралары, сол елдің мәдениеті, діні, тілі, ақшасы, кәсібі, тұрмыс-тіршілігі төңірегінде мағлұмат береді.

---