«Толағай» отбасылар сайысы - еліміздің барлық аймақтарынан келетін отбасылардың атсалысуымен өтетін тәрбиелік маңызы зор ойын-сауықтық бағдарлама. Бір хабарға үш отбасы қатысады. Топтың құрамында ата-анасы және екі баласы болуы керек. Ойынға қатысуға өтініш білдірген командалар арнайы іріктеуден өтіп, ойынға шақырылады. Алғашқы іріктеу ойындарында жеңіске жеткен отбасылық ұжым келесі кезеңге жолдама алады. Толағайдың жеңімпазы ширек финал, жартылай финал, және финалдық ойынға шығу аркылы анықталады. Бір бағдарлама 7 түрлі жарыстан тұрады. Қатысушылардың мақсаты - бәсеке талаптарын орындап, қазылар алқасы тарапынан жоғарғы бағаға ие болу. Отбасы бірлігін паш етуді мақсат еткен «Толағай» отбасылар сайысы еліміздің жас өрендерін спортқа баулып, салауатты өмір сүру салтын насихаттайды.

---