Бабаларымыз тал бесіктен жер бесікке дейінгі ғұмырында ұшқан құстың екі қанатындай ән мен күйін жанына серік еткен. Кешегі халық музыкасын өмірінің жалауы еткен әнші, жыршы, күйші, сал-серілер туындатқан қазақтың дәстүрлі классикалық музыкасы бүгінгі ұрпағына аманат болып отыр. Қазақтың классикалық дәстүрлі музыка өнеріндегі жетістіктер мен олқылықтарды, кеше қандай жағдайда туындағанын, қазір қандай деңгейде насихатталып жүргенін саралап, заман талабына сай тыңдарманына халық әндері мен күйлерінің, халық композиторлары мен осы заманға жеткізушілердің өмір жолы мен шығарма тарихы туралы мағлұматтар, өңірлік мектептердің ерекшеліктері, дәстүрлі классикалық музыканың бүгінгі майталмандары мен өмірден өткен сазгерлер арасындағы сабақтастықты тыңдарманға таныстыру – «Телқоңыр» музыкалық-танымдық телебағдарламасының басты мақсаты.

---