Бағдарламаның мақсаты - салауатты өмір салтын насихаттап, апта айшығындағы спорттық ақпараттарды дер кезінде көрерменге жеткізу. Сондай-ақ, әлемдік ареналарда көк байрағымызды желбіретіп, ел мерейін үстем еткен жаңа спортшыларымызбен таныстыру. Қазақ спортшыларына демеу болатын қазақ жанкүйері де күн санап артып келеді. Оларды шетел аренасында жеңістің де, жеңілістің де дәмін татқан спортшыларымыздың әрбір қадамы қызықтырады. Жүргізуші жарыстың қызықты сәттері туралы оқиға ортасында баяндайды. Бұдан өзге, бағдарлама барысында көре алатындарыңыз: Ұйымдастырушылармен, жеңімпаздармен, жеңіліс тапқандармен қызу сұхбат болады. Шынайы «стендаптар», сюжеттер, елге танымал спортшылардың жеңістері. «Кәсіби кеңес» айдарында медицина саласындағы маман, спортшылар, жаттықтырушыларымыз спорттың денсаулыққа пайдасын, қалай тамақтану керектігін, шылым шегудің, алкогольдің, нашақорлықтың зиян екенін баса айтып, арнайы кеңестер береді. «Спорт – жұлдыздар серігі» айдарында спортпен айналысатын еліміздің танымал тұлғалары (әншілер, актерлер саясаткерлер және т.б.) салауатты өмір салтын қалыптастырып, «Спорт – денсаулық кепілі» екенін көременге үлгі етеді.

---