Елбасының бастамасымен 2010 жылдан бері елімізде үдемелі «Индустриалды-инновациялық даму» бағдарламасы жүзеге асуда. Осы аралықта 500-ге жуық жаңа кәсіпорын іске қосылып, жаңа тауар түрлерін өндіруде. Іске қосылған кәсіпорындардың барлығы заманауи технологиямен жабдықталған. Сәйкесінше, бәсекеге қабілетті әлемдік стандарттарға сай келетін тауар өндіруде. Бағдарламада осы зауыт, фабрикалардың өндірістік технологиясы туралы кеңінен сөз болады. Сондай-ақ, Қазақ елінің «EXPO-2017» халықаралық көрмесіне дайындық барысы баяндалады. Еліміздің аумағында баламалы қуат көзін өндіретін орындар мен осы саладағы жаңашылдық туралы әңгіме болады. Қазақстандағы инновациялық жобалардың аяқ алысы да осы бағдарламаның негізгі тақырыбына айналады.

---